Ba Re E Ne E Re Qoi Vol 1 - E-book - ePub

Lesotho lits'omo li phetoa ke bo-nkhono ba li phetela litloholo tsa bona. Li phetoa bosiu. Mots'eare ha li phetoa, ba li pheteloang ba beha mahlokoana hloohong ba se ke ba mela manaka. Ntetekoane ke ts'omo ea monna le basali ba hae. E bonts'a litholoana tsa ho bua leshano. Moshanyan'a Sankatana ke ts'omo ea bohale. Kamor'a hore kholumolumo e koenye batho le liphoofolo kaofela motseng, ho phonyoha mosali 'me o ba le ngoana, Moshanyan'a Sankatana.
Na o tla hlola kholumolumo? Ho tlo etsahalang? Masilo le Masilonyane ke ts'omo e qabolang. E bua ka ho thusa le ho ba mosa, hape e na le lipotso tse etsang papali "Bo-nkhono, le robelang kepi ea ka? Kepi ea ka ke e fuoe ke Masilonyane, Masilonyane a jele linonyana a li siile lihloohoana.." Moleso oa Likhomo ke ts'omo e buang ka ho hloka bana, sethepu le mona o bang teng ho basali ba sethepu. Nyopakatana e bua ka ho hloka bana, mosa le tlholo qetellong.