Fálki: Að duga eða drepast - E-book - MP3

Á meðan úrvalslið Hefnenda fer að hafa upp á illmenninu Þanosi er Fálki skilinn eftir við stjórnvölin í Hefnendaturninum. Hlutverk hans er að hafa umsjón með þeim sem heima sitja og passa að allt sé með kyrrum kjörum á jörðinni. Þegar Últron hyggst leggja undir sig plánetuna eru góð ráð dýr. Án Kafteins Ameríku, Þórs, Járnmannsins og Hulk er tvísýnt hvort Hefnendurnir sem eftir eru á jörðinni geti ráðið niðurlögum ofurskúrksins.
Snarfari, Skarlatsnornin, Vitrun, Svarta ekkjan og Haukfránn reyna að vinna saman en allt kemur fyrir ekki, Últroni til mikillar gleði. Fálki fer að efast um hæfileika sína sem leiðtogi. Niðurbrotinn gerir vængjaði Hefnandinn eina tilraun enn til þess að fá hópinn til að sameinast gegn óvininum. Mun það takast? Bregst hann hópnum eða verður hann leiðtoginn sem jörðin þarfnast? © Disney/Marvel. All rights reserved. Í Hefnendunum berjast stærstu (og minnstu) ofurhetjurnar saman við að bjarga heiminum frá hættulegum ofurskúrkum og illum öflum.
Hittu Járnmanninn, Kaftein Ameríku, Þór, Svörtu ekkjuna, Svarta pardusinn og alla hina og komdu með í skemmtileg ævintýr með heimsins mestu hetjum! Fylgstu með ævintýraheimi Marvel! Hlustaðu á spennandi frásagnir af Hefnendunum: Járnmanninum, Köngulóarmanninum, Hulk, Kaftein Ameríku, Svörtu ekkjunni, Þór, Haukfráni, Marvel liðsforingja, Fálka og öllum hinum hetjunum og illmennunum úr ótrúlegum fjársjóðskistum Marvels.
Skelltu þér í skikkjuna og finndu þína innri ofurhetju - nú förum við í æsileg ævintýr!