En cours de chargement...
Domenge Commet qu'es comedian, palhassa, empontaire e autor de quauquas pèças de teatre. Vadut dens las Lanas, de familha landesa de pura soca, de tostemps qu'a banhat dens la soa lenga mairau, lo parlar negue. Quan Ràdio Cap a Cap que li perpausa d'escríver cronicas entad aquesta, dab estrambord qu'aderís ad aqueth projècte. Ua lenga, que la cau parlar, escríver e enténer entà qu'existissi. Qu'es çó que hè dab aqueth libe a legir, a enténer e partatjar tanben.
Dab tot lo serios que li permet l'esperit gascon. Mariús, lo son devisaire, qu'es ric de soviéners passats, viscuts o imaginats, tot autant com de la vita vitanta, cohada de pensadas a viéner.